 |
 |
 |
 |
 |
 |
 |
ENG Literary translation from Galician CAT Literatura traduïda del gallec EUS Galegotik itzulitako literatura POR Literatura traduzida do galego SPA Literatura traducida del gallego |
resumo
A difusión da literatura galega remite ás traducións que se dirixen ó espazo internacional e estatal. Obedece a dinámicas que varían en función da cultura meta, así como das circunstancias sociopolíticas.
A partir da cooficialidade do idioma galego (1981), a importación de textos en tradución galega arranca con ímpeto. A exportación de textos galegos, en cambio, acontece cunha menor intensidade e cun efecto retardado, pois só gaña especial visibilidade a partir da década dos 90.
Nos anos 1975 a 2020, o 70% de tódalas traducións de obra galega prodúcese para o mercado editorial español (especialmente cara ó castelán e catalán), das que máis da metade se dirixe a un público infantil e xuvenil. En canto á exportación a culturas estranxeiras, no entanto, a literatura infanto-xuvenil só suma un 36% das obras galegas que traspasan fronteiras. Do total das traducións internacionais, a maioría teñen como lingua meta o inglés, principalmente para o espazo británico.
As políticas culturais galegas deste período atravesan catro etapas. Durante a primeira (1975-1983) iníciase coa desaparición do ditador Franco un período de desenvolvemento cultural importante. A intelectualidade galega toma conciencia de que a tradución cara ó exterior constitúe un factor impulsor en termos de capital simbólico ademais de económico. A segunda (1984-2005) comprende os anos de recuperación da vida cultural galega, nos que destaca o papel dinamizador de múltiples asociacións e intelectuais preocupados pola difusión internacional da literatura galega. A terceira (2005-2009) caracterízase por unhas políticas culturais institucionais que avogan de xeito decidido por unha proxección exterior da propia cultura e identidade. Na cuarta etapa (2009-2020), fortemente afectada pola crise económica de 2008, dáselle parcialmente continuidade ás estratexias e ás subvencións á tradución editorial implantadas en 2007. Perdura a escasa visibilidade internacional da cultura galega, polo que varias voces reclaman reformula-las vías de proxección da literatura galega.
Esta entrada aborda os datos evolutivos da tradución da literatura galega dende 1975. Revísanse as principais iniciativas e estratexias de internacionalización, así como as políticas culturais de promoción exterior.
record
 |
Silvia Montero Küpper |
 |
2024 |
 |
Montero Küpper, Silvia. 2024. "Literatura traducida do galego (1975-2020)" @ ENTI (Enciclopedia de traducción e interpretación). AIETI. |
 |
https://doi.org/10.5281/zenodo.10944137 |
 |
https://www.aieti.eu/enti/galicia_lit_outwards_GLG |